نكت باللهجة الجزائرية

أخي الجمهور أختي الجمهورورة .. ان شاء الله كامل راكم بخير, انا نبدا بدون مقدمات (من غير مقدمتي هاذي...)
اليوم سألت نفسي قلت :يا غانوا ما تبخلش على الاحباب زهيهم بالنكت...علاش
لا لا ما كانش مشكل، اوكي المهم كاين اللي معروفة بصح راهو هنا خوكم درتلهم
(Mise a joure)




اياDj ابدا أرميلهم النكت

قالك واحد النهار واحد السيد شاف صاحبو معلق فالحافلة
قالوا:واش راك ادير... هبلت
صاحبو قالو:اسكت اسكت...هكذا باه نربح ألف فرنك
السيد هذاك قالو:مالا أنا نروح نتعلق في طاكسي
صاحبو ندهش وقالوا:وعلاه
السيد:باه نربح فان ميل(عشرين الف)
------------------------------------------------------------------
قالك واحد النهار واحد السيد جاب لمرتو مرايا في عيد ميلادها بصح هي ما تعرف والو جامي شافت مرايا في حياتها...
من بعد كي شافتها زعفت وبدات تبكي (حسبتلها صورة تاع مراة اخرى)
راحت عند يماها تشكي وقالتلها:يما يما راجلي خدعني وهذي الصورة هي الدليل
يماها قلتلها:وريلي نشوف شكون هاذي....
ومن بعد كي يماها شافت روحها قالت:هذا ماكان لو كان غير جات شابة انا شابة عليها
------------------------------------------------------------------
قالك واحد النهار واحد لولد صغير تقطعلو البالون ديالو قالك بدا يبكي
جاء باباه وقالو:واش بيك...
لولد قالو:تقطعلي البالون...واع واع
باباه قالو:هذا ماكان دورك نروح نشريلك واحد فور على هذا...
كي شرالو أعطاهولو وبدا يستنى يقولو صح با با...
قاك الولد زاد بكى...واع واع
باباه قالو:واشبيك تاني
الولد قالوا:لو كان ما تقطعليش الاول لو كان دورك رجعوا عندي 2 بالونات...
------------------------------------------------------------------
قالك واحد النهار واحد 2 عباد دخلو للمطعم وقعدوا قدام مرايا كبيرة
وبداو يخزروا فيها...
واحد فيهم قال:يا خو هاذوك العباد راهم غير يخزروا فينا,نروحوا ليهم
صاحبوا قالو:صح بالاك كاش ما يسحقو ايا نروحو ليهم
ومن بعد كي ناضو عاودو قعدو وواحد فيهم قال:ريح ريح هما اللي راهم جايين عندنا (كانو عل روحهم)
------------------------------------------------------------------

قالك واحد النهار واحد العالم أخترع صاروخ كبير وحب يبعتو للماريكان باه
يدمرها قلك غير عبز على زر الانطلاق... الصاروخ تبلوكا و ما حبش يديماري

قالك خرج يشوف وين هو المشكل فيه...قالك لقى الشعب كامل معلق فيه
(حبوا يروحوا حراقة)
------------------------------------------------------------------
قالك واحد الجحش صغير قال لباباه الحمار... قالوا:بابا تقلقت وقتاش نكبر ونرجع حمار كيما أنت...
------------------------------------------------------------------
قالك واحد الحمار كان مع وليدو يشوفو التلفيزيون...ومن بعد دارو مسابقة
الخيول للجري... قالك هذاك الحمار قال لوليدو:شفت يا وليدي أنا لو كان كملت
الدراسة لو كان راني معاهم دورك
------------------------------------------------------------------
قالك واحد الجماعة كانو يتكيفو للماكسيموم قالك خلاصتلهم الزلاميت ...بعثوا
واحد فيهم باه يحوسلهم على زلاميت قالك راح يمشي ويتمايل ضرب فيها دورة
ورجع ليهم وقاللهم:خاوتي ما عندكومش زلاميت...
قالولو:ريح معانا خونا رانا بعتنا واحد دورك يجيبها...
------------------------------------------------------------------
قالك واحد 2 عباد جاتهم فكرة باه يدفعوا الباطيما قالك بداو يدفعوا فيها
ومن بعد سخنوا نحاو التريكوات وحطوهم قدامهم وكملو يدفعو قالك جاء سراق أدى
تريكوات وهرب...في نص طريق ما عجبوهش أرماهم وراح...
من بعد واحد فيهم دار وقال:اووووو يا خو رانا بعدنا بزاف على التريكوات...
------------------------------------------------------------------
قالك واحد النهار راح الضوء خرج واحد السيد يعض فالبوطو تاع الكهرباء
حسبتلو بيلة (بطارية)
------------------------------------------------------------------
قالك واحد النهار واحد السيد راح للخارج ومن بعد عيط فالتلفون ليماه وقللها:يما واش نبعتلك...
يماه قالتلو:ايه فالخارج التطور والحضارة ابعتلي كاش حاجة ترجعني صغيرة
فالعمر...قالك وليدها بعتلها قرعة دواء ماجيك وقاللها اشربي 2 مغارف برك
وعل مدة كي رجع لبلادو صاب يما صغيرة وشابة ومعاها ولد صغير...
قاللها:اوووووو يما راكي فور وبزور وشكون هذا البي بي
قالتلو:هذا باباك ياو شرب كامل القرعة...
------------------------------------------------------------------
قالك واحد النهار 2 ذبانات كانو يشوفو فالتلفزيون ومن بعد دارو إشهار تاع
مبيد الحشرات...وحدة فيهم خافت وقالت لصحبتها:بدلي بدلي...انا نخاف أفلام
الرعب
------------------------------------------------------------------
قالك واحد النهار 2 ذبانات كانو يشوفو فالتلفزيون( توجور الذبان) كانو يتبعو فالخبار ومن بعد لحقت التسعة و الاخبار ماخلاصوش...
وحدة فيهم قالت:أف أف... الاخبار طولو اليوم...
صحبتها قالتلها:ما تتقلقيش جابلي ربي ليوم الحلقة الاخيرة...
------------------------------------------------------------------
قالك واحد النهار واحد السيد مكلوب خرج للشارع وبدا يعض فالناس واحد مور واحد...من بعد حكموه عالجوه وسجنوه فالمستشفى...
على شهر دخل ليه الطبيب صابو يكتب في ورقة .قالو:واش سيبون راك بيان وراك تكتب مالا تقدر تخرج...
السيد المكلوب قالو:راني نكتب فالقائمة تاع الضحايا اللي نعضهم كي نزيد نخرج...
------------------------------------------------------------------
قالك واحد النهار واحد لولد صغير راح ليماه حامل قاللها:قاللها ماما وشنو هذا في كرشك؟؟
يماه قالتلو:هذا خوك صغير...قاللها:وزعما تحبيه
قالتلو:تاع الصح نحبو...قاللها:كي تحبيه مالا علاش كليتيه...
------------------------------------------------------------------
قال.... ايا خلاص حلاتلكم سيبون

في الاخير ان شاء الله تكونواعلى الاقل تبسمتوا


_________________